ފޮތުގެ މައިގަނޑަކީ 1800 ގެ ފަހުގޮޅުގެ އަހަރުތަކުގައި ރާއްޖެއަށް ކުރިމަތިވި ކަންކަމެވެ. ޚާއްޞަކޮށް މާލެއަށެވެ. މި މައިގަނޑަށް ކިޔުންތެރިޔާ ގެންދިއުމަށްޓަކައި، ރައީސް މުހައްމަދު ނަޝީދު ތަކުރާރުކޮށް ވިދާޅުވާހެން، ކަމެއް ކުރުމަށްޓަކައި އެތައް އެހެން ކަމެއް، އިސްވެ ކުރަންޖެހުމުގެ ޓެކުނީކު ބޭނުންކުރައްވާފައި ވެއެވެ. މީގެ ތެރެއިން ހުރާ ދަރިކޮޅު ފެށިގެންއައި ގޮތާމެދު ޗެޕްޓަރެއް، އަދި ކުޑަބަންޑާރައިންގެ ޕާޓީގެ ޖަދުބުނިޔާދުކަމުގައިވާ މާންދޫގެއާ ބެހޭގޮތުން ހުޅުވިގެންވާ ތަފްޞީލެއް ހިމެނޭ ދެ ޗެޕްޓަރު ރައީސް ނަޝީދު ލިޔުއްވާފައިވެއެވެ.

ނަމަވެސް މި ޗެޕްޓަރުތަކުގެ ސަބަބުން ބައެއް ކިޔުންތެރިންނަށް މަގު ގެއްލޭގޮތް ވެދާނެ އެވެ. މައުޟޫޢާ ނުގުޅޭ ވާހަކަ ގިނަކަމުގައި ވެދާނެ އެވެ. ނަމަވެސް އެ ދަތުރުކުރަނީ ކޮން މިސްރާބަކަށްކަން އެނގިވަޑައިގަންވާ ބޭފުޅުންނަށް ވަރަށް ރީއްޗަށް، މި ފޮތުގައި ލިޔުންތެރިޔާ އެ އަޅުއްވާ ގޯޅިތައް އެނގޭނެ އެވެ.